Thursday, September 23, 2010

ദാമ്പത്യം

കല്ല്യാണം കഴിഞ്ഞപ്പോള്‍
ദൈവം ആദ്യം ഒന്നമാന്തിച്ചെങ്കിലും
പിന്നെ കയ്യഴിക്കുകയായിരുന്നു.
ഒന്നിനു പിറകെ ഒന്നായി
നാമവരെ ഏറ്റുവാങ്ങി.
ദൈവം നമ്മുടെ കാര്യത്തില്‍
ഇച്ചിരി ഗൗരവക്കാരനായിരുന്നു.
പ്രേമത്തിന്റെ ഓരോ ആലിംഗനത്തെയും
ഏറെ കാര്യത്തിലാണവന്‍ സ്വീകരിച്ചത്.
നമ്മുടെ പ്രണയത്തിന്റെ ഓരോ ചുംബനത്തിനും
സൃഷ്ടിയുടെ പുതിയ പൂക്കളെ
അവന്‍ പകരം തന്നു.
പ്രേമിക്കാനും കലഹിക്കാനും
നേരമില്ലാതെ നീ
സൃഷ്ടിയുടെ ഭാരവും ജനനത്തിന്റെ വേദനയും കൊണ്ട്
ജീവിതത്തിന് പുതിയ നിറം കൊടുക്കുകയായിരുന്നു.
എനിക്ക് ആശുപത്രി ബില്ലുകള്‍
പൂരിപ്പിക്കേണ്ട തിരക്കുമുണ്ടായിരുന്നു.

2 comments:

  1. ന: സ്ത്രി സ്വാതന്ത്യ മര്ഹതി?

    ReplyDelete