Friday, August 27, 2010

കോഴിക്കോട് കുറ്റ്യാടി റൂട്ട്

കൂട്ടുകാര്‍ വട്ടം കൂടി പറഞ്ഞു

കോഴിക്കോട് കുറ്റ്യാടി  റൂട്ട്

ഓര്‍ക്കുമ്പോള്‍ എനിക്കോക്കാനം വരും

കണ്ണൂര്‍ റോഡില്‍ നിന്ന് പാവങ്ങാട്ടേക്ക് തിരിയുമ്പോള്‍

എനിക്ക് മനം പുരട്ടും

എന്തൊരു സഹിക്കാനാവാത്ത വളവാണാവഴിക്ക്

തര്‍ക്കമാണേറ്റവും പ്രിയപ്പെട്ട

ആയോധനകല എന്നായിട്ടും

ഞാന്‍ തര്‍ക്കത്തിന് പോയില്ല

പക്ഷേ

അത് എനിക്കുമവള്‍ക്കുമിടയിലെ ഏറ്റവും വേഗതകൂടിയ

പ്രണയ പാതയാണ്

കല്ലും ടാറും കുഴച്ച് മണ്ണില്‍ രചിച്ച പ്രണയമാണ്

എനിക്കുമവള്‍ക്കുമിടയിലെ ഒരു വളവുമില്ലാത്ത നേര്‍ രേഖയാണ്

ഏത് ദേശത്തുവച്ചും ഓര്‍മ്മകളിലേക്കെന്നെ തിരികെ വിളിക്കുന്ന

രണ്ട് വരി്പ്പാതയാണ്

1 comment: